احتجاج کرنا پی ٹی آئی کا حق ہے لیکن طریقہ کار درست نہیں: وزیر داخلہ

اسلام آباد(ویب ڈیسک)وفاقی وزیر داخلہ سینیٹر محسن نقوی نے کہا ہے کہ احتجاج کرنا سب کا حق ہے لیکن پاکستان تحریک انصاف کے کارکن اسلحہ لے کر حملہ کرنے آرہے ہیں۔

ڈی چوک پر میڈیا سے بات کرتے ہوئے وزیر داخلہ محسن نقوی نے کہا کہ ہم کسی کو املاک کو نقصان پہنچانے کی اجازت نہیں دیں گے۔

انہوں نے کہا کہ ہماری افواج کے پاس اسلحہ نہیں ہے، ویڈیوز اور تصاویر میں دیکھا جا سکتا ہے کہ جو لوگ آرہے ہیں ان کے پاس اسلحہ ہے۔

انہوں نے کہا کہ خیبرپختونخوا کے وزیر اعلیٰ کو سوچنا چاہیے کہ وہ کیا کر رہے ہیں وہ جہاں احتجاج کرنا چاہتے ہیں ان کا حق ہے۔

وزیر داخلہ نے کہا کہ میں بالکل واضح ہوں کہ اسلام آباد پر حملہ کر رہے ہیں۔