نوشهروفيروز ضلعي ڪائونسل جي 99 ڪروڙ 82 لک 93 ھزار 223 رپين جي بجيٽ منظور

نوشهرو فيروز(ڊر)ضلعي ڪائونسل نوشهرو فيروز جو بجيٽ اجلاس، هڪ ارب رپين کان وڌيڪ جج بجيٽ منظور، ترقياتي منصوبن ۽ عوامي ڀلائيءَ تي خصوصي توجھ ڏني ويئي آهي، چيئرمين سهيل اختر عباسي تفصيل موجب ضلعي ڪائونسل نوشهرو فيروز جو بجيٽ اجلاس ڪائونسل ميمبر مسرور راڄپر ڪنوينر طور هلايو جنهن ۾ نوشهرو فيروز ضلعي لاءِ مالي سال 2026--27 لاءِ 99 ڪڙور 82 لک 93 هزار 223 رپين جو بجيٽ ايوان ۾ پيش ڪئي ويئي، جنهن کي منظوري ڏني وئي. اجلاس ۾ ضلع ڪائونسل جي چونڊيل ميمبرن ۽ آفيسرن وڏي انگ ۾ شرڪت ڪئي. سالياني بجيٽ ۾ 3 ڪروڙ 5 لک 88 هزار 925 رپين جي بچت پڻ ظاهر ڪئي وئي. بجيٽ ۾ مختلف شعبن لاءِ هيٺيان فنڊ مختص ڪيا ويا. ملازمن جي پگهارن لاءِ 22 ڪروڙ 52 لک 36 هزار 776 رپيا، رٽائرڊ ملازمن جي پينشن لاءِ 9 ڪڙور 27 لک 62 هزار 596 رپيا، قومي ڏهاڙن جي تقريبن لاءِ 4 ڪڙور 50 لک رپيا، قدرتي آفتن کي منهن ڏيڻ لاءِ 50 لک رپيا، ضلعي ۾ گندي پاڻي جي نيڪال ۽ مڇر مار اسپري مهم لاءِ 4 ڪروڙ 50 لک رپيا، خاص ماڻهن جي ڀلائيءَ لاءِ هڪ ڪڙور رپين مان سلائي مشينون فراهم ڪيون وينديون. عوامي تفريح، پارڪن جي بهتري ۽ وڻڪاريءَ لاءِ 66 لک رپيا ضلعي ڪائونسل جي نئين عمارت جي تعمير لاءِ 10 ڪروڙ رپيا، نون ترقياتي منصوبن لاءِ 30 ڪروڙ 80 لک رپيا، جاري ترقياتي اسڪيمن لاءِ 8 ڪروڙ 87 لک رپيا، پريس ڪلب لاءِ 10 لک رپيا، ضلعي ڪائونسل ڊسپينسري لاءِ 15 لک رپيا، سولر پينل سسٽم جي تنصيب لاءِ هڪ ڪروڙ رپيا پڻ بجيٽ ۾ شامل ڪيا ويا. اجلاس کي خطاب ڪندي ضلع ڪائونسل چيئرمين سهيل اختر عباسي چيو ته هن بجيٽ جو مقصد ضلعي ۾ ترقياتي ڪمن کي تيز ڪرڻ، عوام کي بنيادي سهولتون فراهم ڪرڻ ۽ فلاحي منصوبن کي مؤثر نموني سان مڪمل ڪرڻ آهي. اجلاس ۾ عبدالرزاق مبيجو، روشن وسطڙو، حاجي بخشل سهتو، اربيلو اوڏ، غلام حيدر ڀرٽ، ۽ ٻين شرڪت ڪئي