آزاد کشمیر کے نومنتخب وزیراعظم چوہدری انوارالحق نے عہدے کا حلف اٹھالیا

مظفرآباد میں صدر آزاد کشمیر بیرسٹر سلطان محمود نے نومنتخب وزیراعظم سے حلف لیا، حلف برداری تقریب سے خطاب کرتے ہوئے نومنتخب وزیراعظم چوہدری انوار الحق کا کہنا تھا کہ منصفانہ طریقے سے چلیں تو ہم ریاست کی تقدیر بدل سکتے ہیں، گفتگو سے کبھی تبدیلی نہیں آتی، اپنے عمل سے ثابت کریں کہ آپ کا وژن کیا ہے، انہوں نے کہا کہ میں نے آزاد حیثیت سے اور پی ڈی ایم کی حمایت سے انتخاب جیتا، جن کو ارب پتی ہونے کا دعویٰ ٰتھا انہوں نے جس بے حیائی سے ریاستی وسائل لوٹے، اس کا حساب ہوگا، خواہش ہے کہ جلد از جلد حکومت سازی کی جائے ۔چوہدری انوار الحق کا کہنا تھا کہ یہ پی ڈی ایم کے ساتھ کولیشن گورنمنٹ ہے، پوری قوت سے اپنے کشمیری بھائیوں کا کیس پوری دنیا میں لڑیں گے۔