امریکا نے باقاعدہ طور پر وینزویلا کا تیل فروخت کرنا شروع کر دیا

واشنگٹن (ویب ڈیسک) امریکا نے وینزویلا کا تیل باقاعدہ طور پر فروخت کرنا شروع کر دیا ہے۔ امریکی حکام کے مطابق وینزویلا کے تیل کی 500 ملین ڈالر مالیت کی پہلی ڈیل مکمل ہو چکی ہے، جبکہ آنے والے دنوں میں مزید تیل کی فروخت کی توقع ہے۔ وائٹ ہاؤس کے ترجمان کے مطابق صدر ٹرمپ کی ٹیم تیل کمپنیوں کے ساتھ مذاکرات کر رہی ہے، جو وینزویلا کے تیل کے انفراسٹرکچر، یعنی بنیادی ڈھانچے کی بحالی کے لیے سرمایہ کاری کرنے پر تیار اور خواہش مند ہیں۔ واضح رہے کہ امریکا نے 3 جنوری کو وینزویلا میں فوجی کارروائی کی تھی، جس کے دوران صدر مادورو اور ان کی اہلیہ سیلیا فلوریز کو گرفتار کیا گیا تھا، بعد ازاں انہیں امریکی عدالت میں پیش کیا گیا۔