ڏوڪري جي اقراء پبلڪ اسڪول جي شاگردن ۾ مفت ڪتاب ورهايو ويو
پهرين کان اٺين درجي جي شاگردن ۽ شاگردياڻين کي مفت ڪتاب ڏنا ويا
ڏوڪري (رپورٽر) ڏوڪري اقراء پبلڪ اسڪول جي انتظاميا پاران هڪ سو شاگردن ۾ مفت ڪتاب ورهائڻ جي حوالي سان تقريب ڪوٺائي وئي. قاضي عبدالفتاح جوڻيجو، قاضي نديم جوڻيجو، قاضي غلام صديق جوڻيجو، پرنسپال قاضي راجا جوڻيجو جي تعاون سان پهرين ڪلاس کان اٺين ڪلاس جي شاگردن ۾ هڪ سو کان وڌيڪ ڪتاب ڏنا ويا. جڏهن ته اقراء پبلڪ اسڪول جي تقريب ڪوٺائي وئي تقريب ۾ سئينر صحافي قاضي فريد، اقراء پبلڪ اسڪول جي پرنسپال قاضي راجا، استاد سيد ثمر شاھ ۽ استادياڻين پاران پهرين درجي کان اٺين درجي جي شاگردن ۽ شاگردياڻين کي ڪتاب ڏنا. ان موقعي تي پرنسپال قاضي راجا، صحافي قاضي فريد جو چوڻ هو ته اقراء پبلڪ اسڪول انتظاميا پاران شاگردن ۽ شاگردياڻين ڪتاب فراهم ڪري سٺو قدم کنيو آهي هنن چيو ته سرڪاري اسڪول توڙي خانگي اسڪول جي استادن کي گهرجي ته ٻارن کي بهتر کان بهتر تعليم ڏين ۽ والدين کي به گهرجي ته اسڪولن ۾ وڃي استادن کان پنهنجي ٻار جي ڪاڪردگي معلوم ڪن.