سندھ طاس معاہدے پر پاکستان کا دوٹوک مؤقف
اسلام آباد میں منعقدہ بین الاقوامی سیمینار سے خطاب کرتے ہوئے نائب وزیرِ اعظم اور وزیرِ خارجہ اسحاق ڈار نے کہا کہ پاکستان اپنے حصے کے پانی پر کسی قسم کا سمجھوتہ نہیں کرے گا۔ انہوں نے واضح کیا کہ پانی کو سیاسی دباؤ کے لیے استعمال کرنا بین الاقوامی قوانین اور سندھ طاس معاہدے کی روح کے منافی ہے۔ حکومت نے عالمی برادری سے بھی مطالبہ کیا کہ معاہدے پر مکمل عمل درآمد یقینی بنایا جائے۔