ايم اين اي ڄام عبدالڪريم جوکيو سوشل ويلفيئر ڪميٽي ملير جو چيئرمين مقرر
هي ذميواري ايمانداري، شفافيت ۽ خدمت جي جذبي سان نڀائيندس: ڄام عبدالڪريم
ملير (رپورٽ: عبدالرشيد مورجھريو) توانائي وزارت (پيٽروليم ڊويزن)، حڪومتِ پاڪستان طرفان قومي اسيمبليءَ جي ملير مان چونڊيل ميمبر سردار ڄام عبدالڪريم بجار جوکیو کي سوشل ويلفيئر فنڊ ڪميٽي ضلعي ملير جو چيئرمين مقرر ڪيو ويو آهي ان سلسلي ۾ ايم اين اي سردار ڄام عبدالڪريم نامزدگيءَ تي پارٽي قيادت، پيٽروليم واري وزير جو شڪريو ادا ڪندي چيو ته هو هي ذميواري ايمانداري، شفافيت ۽ خدمت جي جذبي سان نڀائيندو، جڏهن تہ ملير جي عوامي ڀلائي، سماجي ترقي وارن منصوبن کي پهرين ترجيح ڏني ويندي ايم اين اي سردار ڄام عبدالڪريم وڌيڪ چيو ته هي ڪاميابي پاڪستان پيپلز پارٽيءَ جي قيادت تي عوام جي اعتماد جو تسلسل آهي، ۽ هو ساڳئي عوامي جذبي ۽ عزم سان خدمت جو سفر جاري رکندو