کندھ کوٹ میں گرلز اسکول کے سامنے فائرنگ سے ٹیچر جاں بحق

کندھ کوٹ میں گرلز اسکول کے سامنے فائرنگ سے ٹیچر جاں بحق۔ہیبت روڈ پر مسلح افراد کی فائرنگ سے نجی سکول کے ٹیچر اظہر مہر قتل، ملزمان فرار ہو گئے۔ پولیس نے جائے وقوعہ پر پہنچ کر نوجوان کی لاش کو تحویل میں لے کر اسپتال منتقل کردیا۔

پولیس کا کہنا ہے کہ ابتدائی تفتیش کے مطابق واقعہ پرانی دشمنی کا نتیجہ ہے، مزید تفتیش کر رہے ہیں۔

وزیر داخلہ سندھ ضیاء الحسن لنجار نے ایس ایس پی کندھ کوٹ کشمور سے تفصیلات طلب کرلیں۔

وزیر داخلہ سندھ ضیاء الحسن لنجار کا کهنا تها که واقعہ میں ملوث ملزمان کی گرفتاری کے لیئے پولیس ٹیمز کو متحرک کیا جائے۔

کرائم سین سے اکٹھا شہادتوں کی بنیاد پر تفتیش کو مؤثر اور کامیاب بنایا جائے۔