عمرڪوٽ ۾ ڪرپشن معاملو، ضلعي فوڊ ڪنٽرولر وشن داس معطل
خوراڪ کاتي ضلعي فوڊ ڪنٽرولر وشن داس کي معطل ڪري ڇڏيو
عمرڪوٽ (ڪانجي مل رکيسر) خوراڪ کاتي ضلعي فوڊ ڪنٽرولر وشن داس کي معطل ڪري ڇڏيو آهي، جنهن تي ضلع ۾ اٽي جي فراهمي ۾ بدانتظامي ۽ عوام کي مهانگي اٽي تي مجبور ڪرڻ جو الزام آهي، وشن داس وٽ ٿرپارڪر جو اضافي چارج پڻ هو، پر ان جي دور ۾ ڪڻڪ جي بروقت تقسيم متاثر ٿي، عمرڪوٽ جي شهرين وشن داس جي نااهلي سبب مارڪيٽ ۾ اٽي جي قيمتن ۾ اضافي تي سخت تشويش جو ظاهر ڪيو، ذريعن موجب عوامي شڪايتن ۽ خوراڪ کاتي جي تحقيقات کان پوءِ فوري ڪاروائي ڪئي وئي، جنهن تحت وشن داس کي معطل ڪيو ويو، عمرڪوٽ جي رھواسين مطالبو ڪيو آهي ته خوراڪ جي ورڇ ۾ شفافيت کي يقيني بڻايو وڃي ته جيئن مهانگائي جي دٻاءَ هيٺ عوام وڌيڪ نه دٻجي.