سعودی عرب نے پہلی بار ایران کو جوابی کارروائی کی دھمکی دے دی
ریاض (ویب ڈیسک) مشرقِ وسطیٰ میں بڑھتی ہوئی کشیدگی کے دوران سعودی عرب نے پہلی بار ایران کو براہِ راست جوابی کارروائی کی وارننگ دیتے ہوئے واضح کیا ہے کہ اگر ملک یا اس کے توانائی کے اثاثوں کو نشانہ بنایا گیا تو ریاض خاموش نہیں بیٹھے گا۔
غیر ملکی میڈیا کے مطابق سعودی حکام نے تہران کو پیغام دیا ہے کہ ریاض اب بھی ایران اور امریکا کے درمیان جاری تنازع کا سفارتی حل چاہتا ہے، تاہم ملک کی سلامتی اور تیل کے اثاثوں پر حملے برداشت نہیں کیے جائیں گے۔