سندھ کے سرکاری گرلز کالجوں میں فوٹو گرافی پر پابندی

کراچی: سندھ میں سرکاری گرلز کالجوں میں فوٹو گرافی پر پابندی عائد کر دی گئی ہے۔ کالج ایجوکیشن ڈیپارٹمنٹ کی جانب سے سرکاری گرلز کالجوں میں فوٹو گرافی پر پابندی کا باقاعدہ نوٹیفکیشن جاری کر دیا گیا ہے۔ اس حوالے سے ڈائریکٹر کالجز نے کہا کہ طالبات اور اساتذہ کی تصاویر کا سوشل میڈیا پر غلط استعمال کیا جا رہا تھا، جس پر باقاعدہ شکایات موصول ہوئی ہیں۔ انہوں نے کہا کہ سندھ کے سرکاری گرلز کالجوں میں فوٹو گرافی پر پابندی نافذ کر دی گئی ہے، اور خلاف ورزی کی صورت میں پرنسپلز اور متعلقہ عملے کے خلاف کارروائی کی جائے گی۔