سرکاری ملازمین کے لیے ایڈہاک الاؤنس کی منظوری

پشاور(ویب ڈیسک)خیبرپختونخوا حکومت نے صوبے کے سرکاری ملازمین کے لیے ایڈہاک ریلیف الاؤنس 2023 کی منظوری دے دی۔ اس سلسلے میں محکمہ خزانہ کی جانب سے جاری کردہ اعلامیہ کے مطابق گریڈ 17 سے 22 تک کے ملازمین کے لیے 30 فیصد اور سکیل 3 سے 16 تک کے ملازمین کے لیے 35 فیصد ایڈہاک ریلیف الاؤنس 2023 کی منظوری دی گئی ہے۔ اس سلسلے میں محکمہ خزانہ نے خیبرپختونخوا کے سرکاری ملازمین کو 30 جون 2023 سے مذکورہ الاؤنس کی فراہمی کا اختیار دے دیا ہے۔