بشام میں چینی انجینئرز پر حملے کے لیے افغان سرزمین استعمال کی گئی، وفاقی وزیر داخلہ

لاہور (ویب ڈیسک) وفاقی وزیر داخلہ محسن نقوی نے کہا ہے کہ بشام میں چینی انجینئرز پر حملہ ٹی ٹی پی نے کیا، تمام شواہد موجود ہیں کہ بشام میں حملے کے لیے افغان سرزمین استعمال کی گئی۔

لاہور میں میڈیا سے بات کرتے ہوئے محسن نقوی کا کہنا تھا کہ چین اور پاکستان کے تعلقات ہمارے لیے بہت اہمیت کے حامل ہیں، دونوں ممالک نے مختلف فورمز پر ایک دوسرے کو حملوں کے لیے استعمال کیا۔

انہوں نے کہا کہ کالعدم ٹی ٹی پی دہشت گردی کے واقعات میں ملوث ہے، چینی شہریوں پر باقاعدہ حملے کیے گئے اور منصوبہ بندی کی گئی۔

انہوں نے کہا کہ ہم نے اپنی سرحدوں پر سیکیورٹی بڑھا دی ہے، حکومت جانتی ہے کہ کون سی قوتیں امن میں خلل ڈالنا چاہتی ہیں، چینی شہریوں کی حفاظت ہمارے لیے بہت ضروری ہے، چینی شہریوں کی حفاظت کے لیے ہر ممکن اقدامات کیے جا رہے ہیں۔

محسن نقوی نے کہا کہ ہم افغانستان کے ساتھ اچھے تعلقات چاہتے ہیں لیکن یہ تب ہی ممکن ہے جب افغانستان تعاون کرے، افغانستان دہشت گردوں کے خلاف ٹرائل کرے یا انہیں ہمارے حوالے کرے۔