لاہور کی عدالت نے اداکارہ نازش جہانگیر کی عبوری ضمانت مسترد کر دی
ایف آئی آر کے مطابق اداکارہ نازش نے 25 لاکھ روپے اور گاڑی دو ماہ تک لی لیکن رقم اور گاڑی واپس نہیں کی گئی
لاہور (ویب ڈیسک) لاہور کی سیشن عدالت نے فراڈ کیس میں اداکارہ نازش جہانگیر کی عبوری ضمانت مسترد کر دی۔
لاہور کی سیشن عدالت نے اداکارہ اذان اسود ہارون کی درخواست پر سماعت کی، عدالت نے عدم تعمیل پر اداکارہ نازش جہانگیر کی عبوری ضمانت مسترد کردی جب کہ شریک ملزم سکندر کی عبوری ضمانت میں اکتوبر کے پہلے ہفتے تک توسیع کردی گئی۔
اداکارہ نازش جہانگیر کے خلاف اداکار اذان اسود کی جانب سے فراڈ کے الزام میں تھانہ ڈیفنس سی میں مقدمہ درج کر لیا گیا۔
ایف آئی آر کے مطابق اداکارہ نازش نے 25 لاکھ روپے اور گاڑی دو ماہ تک لی لیکن رقم اور گاڑی واپس نہیں کی گئی۔