ھڱورجا فوڊ سينٽر ۾ وڏي پيماني تي بي ضابطگين ۽ بدعنوانين جو انڪشاف، اي سي پاران لاڳاپيل عملدارن خلاف ڪارروائي جي سفارش

ھڱورجا(رپورٽر)خوراڪ کاتي جي ھڱورجا فوڊ سينٽر ۾ وڏي پيماني تي بي ضابطگين ۽ بدعنوانين جو انڪشاف . اسسٽنٽ ڪمشنر سوڀوديرو پاران ڄاڻايل سينٽر تي وزٽ ڪرڻ بعد جاچ رپورٽ ڊي سي خيرپور حوالي ڪري ڇڏي آھي اي سي پاران ڊي سي کي موڪليل رپورٽ ۾ ڄاڻايو ويو آهي ته فوڊ گودام ۾ خراب ٿيل ڪڻڪ جون هزارين ٻوريون موجود آھن جيڪي انتظامي نااھلي ۽ عدم دلچسپيءَ سبب خراب ٿيون. رپورٽ ۾ ھنڱورجا ۽ سڳيون سينٽر تي رٽائرڊ ٿيل فوڊ انسپيڪٽر مقرر ٿيل ھجڻ جو انڪشاف. اي سي سوڀوديرو پاران جاري ڪيل رپورٽ ۾ ذميوارن خلاف ڪاروائي جي سفارش ڪئي وئي آھي تفصيل موجب ھنڱورجا فوڊ سينٽر تي اسسٽنٽ ڪمشنر سوڀوديرو شاھ محمد چانگ پاران وزٽ ڪرڻ دوران وڏا انڪشاف ٿيا آھي اي سي سوڀوديرو پاران ڊي سي خيرپور کي لکت ۾ جاري ڪيل رپورٽ ۾ 50 ڪلو وزن واريون ٻوريون مان صرف 10 کان 15 ڪلو نڪرڻ ء وڏي مقدار ۾ ڪڻڪ غائب ھجڻ جو انڪشاف ٿيو آھي رپورٽ م ڄاڻايو ويو آھي سينٽر تي پيل ڪڻڪ ۾ مٽي ملاوت ڪئي وئي آھي رپورٽ ۾ اھو ب ڄاڻايو ويو آهي ته ڪڻڪ جو پوراءُ ڪرڻ لاءِ صاف ڪڻڪ کي مٽي ۽ سينواريل ڪڻڪ سان ملايو ويو آهي جيڪا ڪڻڪ انساني صحت لاءِ ھاڃيڪار آھي اھو ب رپورٽ ۾ چيو ويو آھي رٽائرڊ فوڊ انسپيڪٽر نثار مھر رٽائر ٿيڻ باوجود اڃا تائين ھنڱورجا ۽ سڳيون سينٽرن جي نگراني ڪندو رهي ٿو جيڪا سندس غيرقانوني ڊيوٽي ۽ ضابطن جي کُلي ڀڃڪڙي آهي ڊي سي خيرپور کي ڏنل رپورٽ ۾ اسسٽنٽ ڪمشنر پاران اعليٰ اختيارين کان مڪمل انڪوائري جي سفارش ڪندي ذميوار عملدارن خلاف قانوني ڪارروائي جي گُهر ڪري ڇڏي آهي.