گوادر پورٹ کسی کے باپ دادا کا نہیں، پاکستان کا ہے، حنیف عباسی

اسلام آباد: وفاقی وزیرِ ریلوے حنیف عباسی نے کہا ہے کہ گوادر پورٹ پاکستان کا ہے، کسی کے باپ دادا کا نہیں ہے۔وزیرِ ریلوے حنیف عباسی نے مغل پورہ میں گفتگو کرتے ہوئے کہا ہے کہ ریلوے میں اوور ٹائم کا نظام بحال کر دیا ہے، ہر ماہ کی 5 تاریخ کو مزدوروں کو تنخواہ ادا کر دی جائے گی۔انہوں نے مزید کہا ہے کہ مسائل حل کرنے کے لیے تمام وسائل بروئے کار لائیں گے۔وفاقی وزیرِ ریلوے نے یہ بھی بتایا ہے کہ مغل پورہ ریلویز ورکشاپ میں جدید مشینیں لائی جائیں گی۔