گلشن حديد کان هلندڙ پنڪ بس جي نوڪري مان نيڪالي خلاف ناري جو بسن اڳيان احتجاج
بنا ڪنهن سبب جي نوڪري مان ڪڍيو ويو، بيروزگاري ۽ معاشي تنگدستي جو شڪار ٿي وئي آهيان: صنم سومرو
ملير (رپورٽ: عبدالرشيد مورجھريو) گلشن حديد کان صدر هلندڙ پنڪ بس مان ٺيڪيدار هڪ غريب ۽ لاچار ڇوڪري صنم سومرو کي بنا ڪنهن سبب جي ملازمت مان برطرف ڪري ڇڏيو آهي جنهن سبب هوءَ بيروزگاري ۽ معاشي تنگدستي جو شڪار ٿي وئي آهي۔ متاثر نياڻي پنهنجي برطرفي خلاف سخت احتجاج ڪندي بسن اڳيان ڌرڻو هڻي ٽريفڪ روڪي ڇڏي هن الزام لڳايو ته ٺيڪيدار بنا ڪنهن جواز جي کيس نوڪري مان ڪڍيو آهي جڏهن ته هوءَ گهرو حالتن جي ڪري هن روزگار تي ڀاڙيندي هئي ٻئي پاسي، پنڪ بس هي مينيجر هن الزام کي رد ڪندي چيو آهي ته پيسن م گهوپيون هڻندڙ ڇوڪري کي ملازمت مان فارغ ڪري سندس جڳھ تي ٽي نيون ڇوڪريون ڀرتي ڪيون ويون آهن تنهن ڪري ڪنهن سان ناانصافي نه ٿي آهي احتجاج دوران عورتن ۽ علائقي جي ماڻهن پڻ متاثر نياڻي سان يڪجهتي جو اظهار ڪيو ۽ اختيارين کان مطالبو ڪيو ته معاملي جي جاچ ڪري نياڻي کي انصاف فراهم ڪيو وڃي۔