پی ٹی آئی کے رہنما شہریار آفریدی گرفتار

اسلام آباد: پاکستان تحریک انصاف ( پی ٹی آئی) کے رہنما شہریار آفریدی کو گرفتار کرلیا گیا۔ پی ٹی آئی کے آفیشل ٹوئٹر اکاؤنٹ پر جاری بیان میں کہا گیا ہے کہ شہریار آفریدی اور ان کی اہلیہ کو گرفتار کرلیا گیا۔ شہریار آفریدی کو اسلام آباد سے گرفتار کیا گیا۔ پی ٹی آئی کی جانب سے جاری بیان میں دعویٰ کیا گیا ہے کہ شہریار آفریدی کی گرفتاری کے دوران گھر میں توڑ پھوڑ بھی کی۔ شہریار آفریدی کی اہلیہ کا سیاست سے کوئی تعلق لیکن انہیں بھی گرفتار کرلیا گیا۔ گزشتہ روز کارکنوں کو اکسانے اور توڑ پھوڑ کے الزام میں پی ٹی آئی رہنما فیاض الحسن چوہان کو بھی گرفتار کیا گیا تھا۔