ٺٽو ضلعي ڪائونسل جي 75 ڪروڙ روپين کان وڌيڪ جي بچت واري بجيٽ منظور
فارم هائوسز، انڊسٽريز، واٽر پارڪن ۽ فش فارمن تي پهريون ڀيرو ٽيڪس لاڳو ڪيو ويو
ٺٽو(شفيق ڀٽي)ضلعي ڪائونسل ٺٽو نئين مالي سال 2025 – 2026 لاءِ 75 ڪروڙ 17 لک 42 هزار 920 روپين جو بچت وارو بجيٽ پيش ڪري متفقه طور منظور ڪري ورتو. اجلاس دوران ضلعي چيئرمين عبدالحميد پنهور ٻڌايو ته گذريل سال جي خرچن باوجود ضلعي ڪائونسل وٽ 22 ڪروڙ 65 لک روپين جي بچت موجود آهي.هن چيو ته هن ڀيري پهريون ڀيرو ٽيڪس گزيٽ منظور ڪندي فارم هائوسز، صنعتي ادارن، واٽر پارڪن، فش فارمن، مال پڙين ۽ پئٽرول پمپن تي ساليانو ٽيڪس لاڳو ڪيو ويو آهي ته جيئن ضلعي آمدني ۾ اضافو ٿي سگهي. بجيٽ ۾ ترقياتي رٿائن، فلاحي ڪمن، غريب ۽ مستحق ماڻهن جي مدد ۽ نوجوانن جي راندين لاءِ 55 سيڪڙو رقم مختص ڪئي وئي آهي,40 سيڪڙو پگھارن ۽ پينشن لاءجڏھن ته 5 سيڪڙو سرڪاري ۽ غير سرڪاري خرچن لاء رکي ويئي۔ چئرمين عبدالحميد پنھور جو چوڻ ھيو ته ضلعي ۾ ترقياتي ڪم,عوامي سھولتون ۽ ضلعي ڪاؤنسل جي ڪارڪردگي بھتر بنائڻ لاء آمدني وڌائڻ ضروري آھي۔ ھن واعدو ڪيو ھر ٽيڪس عوامي مفاد ۾ لڳايو ويندو ۽ ان جا نتيجا جلد نظر ايندا۔