نوشهروفيروز ۾ ڪووڊ ملازمن جو پگهارون نه ملڻ ۽ پڪو نه ڪرڻ خلاف احتجاج
الطاف حسين چانڊيو، شمن بالادي، انيس علي عباسي، عبدالصبور، فهد ميمڻ ۽ ٻين احتجاج ڪيو
نوشهروفيروز (ڊ ر) نوشهروفيروز ۾ ڪوڊ ملازمن جو پگهارون نه ملڻ ۽ پڪو نه ڪرڻ خلاف پريس ڪلب آڏو احتجاج ڪيو ويو جنھن جي اڳواڻي الطاف حسين چانڊيو، شمن بالادي، انيس علي عباسي، عبدالصبور، فهد ميمڻ، محسن مڱريو ۽ ٻيا ڪري رهيا هئا جن نعريبازي به ڪئي ان موقعي تي ميڊيا اڳيان دانهيندي ملازمن چيو ته چار سال گذري ويا آهن ڪووڊ ۾ پنهنجي زندگين جي پرواهه ڪرڻ بجاءِ انساني زندگيون بچائڻ لاءِ ڊيوٽي ڏني سين پر حڪمران اسان جو قدر ڪرڻ لاءِ تيار ناهن هنن چيو ته گذريل 9 مهينن کان پگهارون نه ملڻ ڪري اسان جا ٻچڙا بکون ڪاٽي رهيا آهن جنهن سبب اسان جي ذهنن ۾ بي چيني پکڙيل آهي هنن مطالبو ڪيو ته کين پڪو ڪري حڪومت جي مقرر ويج مطابق پگهارون ڏنيون وڃن ته جيئن اسان به پنهنجي ٻچڙن سان سکي زندگي گذاري سگهون