نوشهروفيروز ويجهو ونگاڻي شاخ کي پير غريب شاهه وٽان گهارو
ايس ڊي او ايريگيشن مخدوم فهيم کي اطلاع ڏنو پر عملو ناهي پهتو: آبادگار
نوشهروفيروز (رپورٽر) نوشهروفيروز ويجهو ونگاڻي شاخ کي پير غريب شاھ وٽان گهارو پوڻ سبب ڪيترائي ايڪڙ فصل پاڻي هيٺ اچي ويو آهي پر ايريگيشن عملو نه پهچڻ ڪري پنج فوٽ گهارو هاڻي وڌي 10 فوٽ ٿي ويو آهي ڳوٺاڻن موجب صبح ٿوروگھارو پيو ايريگيشن جي لاپرواھي سبب گهارو وڌي ويو آهي ايس ڊي او ايريگيشن مخدوم فهيم کي اطلاع ڏنو آهي پر هيل تائين نه پاڻ آيو نه ئي عملو پهچي سگهيو آهي جنھن سبب تازو ڪاهيل ڪڻڪ جو فصل ۽ ڀاڄيون پاڻي هيٺ اچڻ ڪري آبادگارن کي نقصان پهتو آهي گهارو اڃان به وڌڻ جو خدشو آهي