نوشهروفيروز ضلعي جي 25 بيوه ۽ غريب عورتن ۾ سولر هوم سسٽم ورهائڻ واري تقريب منعقد

نوشهرو فيروز(ڊر) اخيار انوار نجفيه فائونڊيشن جي تعاون سان اصغريه آرگنائيزيشن پاران سولر انرجي پراجيڪٽ تحت ضلعي نوشهروفيروز جي 25 بيوه ۽ غريب عورتن کي سولر هوم سسٽم ورهائڻ واري هڪ تقريب منعقد ڪئي وئي، جنهن ۾ مولانا محمد يوسف حسيني ضلعي صدر عرفان علي چنه سماجي اڳواڻ اعجاز ممنائي مولانا خادم حسين ڪربلائي ۽ ٻين چيو ته اسانجو ويزن تحت غريب ۽ بي پهچ ماڻهن کي گرميء جي شدت ۾ سولر سسٽم جي سهولت فراهم ڪرڻ آهي. ان سلسلي ۾، مختلف سماجي تنظيمن جي تعاون سان سولر انرجي پروجيڪٽ تحت، پهرين مرحلي ۾ 25 بيوه مسڪين عورتن جي گهرن ۾ سولر هوم سسٽم ورهايا پيا وڃن، جنهن سان 18 ڪلاڪن جي لوڊشيڊنگ دوران ماڻهن کي وڏو فائدو ٿيندو.اڳواڻن چيو ته اسان ٻهراڙين ۾ غريب ۽ مستحق ماڻهن کي سولر سسٽم فراهم ڪرڻ لاءِ قدم کڻي رهيا آهيون جيڪي اڳتي به جاري رهندا