نوشهروفيروز: صوبائي وزير ڄام خان شورو پاران سنڌو درياءَ جي حفاظتي بند جو معائنو
سنڌ حڪومت ۽ آبپاشي کاتي جا آفيسر بندن جي ضروري مرمت لاءِ هميشه ڪم ڪري رهيا آهن: صوبائي وزير
نوشهروفيروز (ڊ ر)آبپاشي کاتي جو صوبائي وزير ڄام خان شورو اڄ سنڌو درياءَ جي حفاظتي بند جو معائنو ڪيو. هن چيو ته ڪوڙي جا ڀاڻ وٽ سنڌو درياءَ جي حفاظتي بند جي پائڻ جي شڪايت تي هن چيو ته مون ٻن چيف انجنيئرن جي ڊيوٽي مقرر ڪئي آهي ته اهي بند جي نگراني ۽ بند جي مرمت جي ڪم جي نگراني ڪن. هن جاءِ تي پوليس پوسٽ قائم ڪرڻ جي هدايت ڪئي. هن چيو ته آبپاشي کاتي پاران مرمت جي ڪم کي بهتر بڻائڻ لاءِ عوام کي هن جاءِ کان پري رکيو وڃي. هن چيو ته سنڌ حڪومت ۽ آبپاشي کاتي جا آفيسر بندن جي ضروري مرمت لاءِ هميشه ڪم ڪري رهيا آهن. هن چيو ته درياه جو بند کي پائڻ بابت سوشل ميڊيا تي هلندڙ خبرن ۾ ڪا به سچائي ناهي، آبپاشي کاتي پاران سنڌو درياءَ جي حفاظتي بندن تي ترقياتي ڪم جاري آهي ۽ کاتو هر وقت بندن جي نگراني ڪري رهيو آهي. ان موقعي تي آبپاشي کاتي جو سيڪريٽري ظريف احمد کهڙو، چيف انجنيئر سکر بئراج ۽ ايگزيڪيوٽو آبپاشي کاتي روهڙي ڊويزن افتخار احمد لانگاهه، اسسٽنٽ ڪمشنر نوشهرو فيروز علي شان ملڪ پڻ موجود هئا.