میرا خواب ہے کہ پاکستان کے بچوں کو موہن جو دڑو کے بارے میں پتا چلے، بلاول بھٹو زرداری

حیدر آباد (ویب ڈیسک) پیپلز پارٹی کے چیئرمین بلاول بھٹو زرداری نے کہا ہے کہ میری خواہش ہے کہ کشمیر اور پنجاب کے نوجوان شیخ ایاز کو اس طرح جانیں جس طرح سندھ کے نوجوان علامہ اقبال کو جانتے ہیں۔ ایاز میلی سے خطاب کرتے ہوئے بلاول بھٹو زرداری نے کہا کہ میں پاکستان کو ایک نئے راستے پر لے جانا چاہتا ہوں، جہاں ہمیں اپنی تاریخ، اپنی ثقافت پر فخر ہو۔ انہوں نے کہا کہ میں عوام سے اپیل کرتا ہوں کہ جدوجہد میں ہمارا ساتھ دیں کیونکہ کوئی بھی اکیلا کچھ نہیں کر سکتا، ہم مل کر کام کر کے مستقبل کو بدل سکتے ہیں۔ اس سے قبل بلاول بھٹو زرداری نے ایاز میلی کا افتتاح کیا۔