مورو ويجھو پراڻي تڪرار تان هٿياربندن جي فائرنگ ۾ هڪ ڄڻو قتل
مقتول جي سڃاڻپ علي گل چانڊيو طور تي ڪئي وئي
مورو(جاني جماڻي) مورو ويجھو سڌوجا وٽ پراڻي تڪرار تان هٿياربندن فائرنگ ڪري ھڪ ڄڻي کي گوليون ھڻي قتل ڪري ڇڏيو، گولين ھڻي قتل ڪيل جي سڃاڻپ علي گل چانڊيو طور تي ڪئي وئي آھي.. لاش کي مورو اسپتال آندو ويو جتي قانوني گھرجون پوريون ڪيون پيون وڃن. ان موقعي تي مقتول جي ڀاءُ محمد مٺل چانڊيو ٻڌايو تہ اڄ فيصلو رکيل ھو جنھن مان واپسي تي ڪار ۾ سوار ھٿياربندن روڪي گوليون ھڻي قتل ڪرڻ بعد فرار ٿي ويا آھن. ھن چيو تہ منھنجي ڀاءُ علي گل چانڊيو کي فيصلي کان واپسي دوران روڪي گوليون ھنيون ويون آھن جن ۾ گلزار، رحيم، بشير چانڊيو ۽ ٻه نامعلوم شامل آھن. ملوث جوابدارن کي قانون جي ڪٽهڙي ۾ آڻي سزا ڏني وڃي ۽ انصاف تحفظ فراهم ڪيو وڃي.