ملڪ هن وقت بدترين معاشي بحران کي منهن ڏئي رهيو آهي، نئين آئيني ترميم ۾ صوبن جو ذڪر ٿي سگهي ٿو: غلام مرتضيٰ جتوئي

نوشهروفيروز (ڊ ر) نوشهروفيروز جي دهشتگردي ٽوڙ عدالت ۾ لنجار هائوس ساڙڻ واري ڪيس نمبر 72 سميت 6 ڪيسن ۽ انهن ڪيسن ۾ پڪي ضمانت لاءِ ڏنل درخواستن جي ٻڌڻي 2 آڪٽوبر تائين ملتوي ٿي وئي آهي اڳوڻي وفاقي وزير غلام مرتضي جتوئي ۽ سندس ڀاءُ اڳوڻي صوبائي وزير مسرور خان جتوئي عدالت ۾ وڪيلن سميت پيش ٿيا وڪيلن جا دليل ٻڌڻ بعد عدالت ٻڌڻي 2 آڪٽوبر ملتوي ڪري ڇڏي آهي ان موقعي تي ميڊيا سان ڳالهائيندي غلام مرتضي جتوئي چيو آهي ته ملڪ هن وقت بدترين معاشي بحران کي منهن ڏئي رهيو آهي جنهن ڪري ملڪ جو ڏيوالو نڪري چڪو آهي جڏهن ته سنڌ پوليس اسٽيٽ بڻجي وئي آهي امن امان جي صورتحال تي ڪنٽرول نه پيو ڪيو وڃي ڏوهارين کي ڇوٽ مليل آهي ڪيس سمورا ڪوڙا آهن عدالت مان انصاف جي اميد آهي