ملير: چشمہ گوٺ علي محمد خاصخيلي ۾ پاڻي جي اسڪيم بند

ملير (رپورٽ: عبدالرشيد مورجھريو) يوسي چشمہ جي قديمي علائقي علي محمد خاصخيلي ڳوٺ ۾ گذريل 10 سالن کان پاڻي جي سخت کوٽ برقرار آهي، جڏهن ته تازو منظور ٿيل ٻه انچ پاڻي لائين جي اسڪيم به تڪرار جو شڪار ٿي وئي آهي، جنهن سبب علائقي جا رهواسي سخت پريشاني ۾ مبتلا ٿي ويا آهن۔علائقي واسين موجب 2009ع ۾ قديمي قبرستان جي زمين تي مبينا طور بااثر ماڻهن قبضا ڪري مويشي فارمز ۽ پوک قائم ڪئي، جنهن کانپوءِ آهستي آهستي علائقي جي پاڻي فراهمي متاثر ٿي وئي ۽ آخرڪار گوٺ جا رهواسي پيئڻ جي صاف پاڻي کان محروم ٿي ويا۔رهواسين جو چوڻ آهي ته ڪيترن ئي احتجاجن ۽ مطالبن کانپوءِ ايم پي اي محمود عالم جاموٽ جي ڪوششن سان ڪورنگي 51-سي مان ٻه انچ پاڻي لائين جي اسڪيم منظور ڪئي وئي، جنهن بعد علائقي ۾ خوشي جي لهر ڇانئجي وئي ۽ ڪم پڻ شروع ڪيو ويو، پر هڪ بااثر شخص طرفان مبينا طور رڪاوٽون وجهي ٺيڪيدار کي ڪم بند ڪرڻ تي مجبور ڪيو ويو۔ علائقي واسين موجب 72 انچ مين لائين مان صرف ٻه انچ جو ڪنيڪشن ڏنو پيو وڃي، جنهن سان ٻين علائقن جي پاڻي فراهمي متاثر ٿيڻ جو ڪو امڪان ناهي، پر ان باوجود اسڪيم ۾ رڪاوٽون وڌيون پيون وڃن۔ متاثر علائقي جي ماڻهن حڪومت، ضلعي انتظاميه ۽ لاڳاپيل ادارن کان فوري نوٽيس وٺي اسڪيم مڪمل ڪرائڻ جو مطالبو ڪيو آهي، جڏهن ته خبردار ڪيو آهي ته مسئلو حل نه ٿيڻ جي صورت ۾ سخت احتجاج ڪيو ويندو۔