ملير: لنڪ روڊ ٽول پلازه تي رهواسين جي گاڏين کان جبري اوڳاڙي
ٽول پلازه خلاف مقامي گاڏين جي مالڪن ۽ ڳوٺاڻن سخت ردعمل ظاهر، نوٽيس وٺڻ جو مطالبو
ملير (رپورٽ: عبدالرشيد مورجھريو) سپر هائي وي کي قومي شاهراھ سان ملائيندڙ لنڪ روڊ تي قائم ٽول پلازه خلاف مقامي گاڏين جي مالڪن ۽ ڳوٺاڻن سخت ردعمل ظاهر ڪيو آهي۔ هنن الزام هنيو آهي ته مقامي رهواسين جي گاڏين کان 500 رپيا ٽول ٽيڪس ۽ 10 هزار رپيا “ڪانٽي فيس” وصول ڪئي پئي وڃي، جڏهن ته ٻاهرين ضلعن ۽ علائقن جي گاڏين کي مبينا طور فري گذرڻ ڏنو پيو وڃي۔علائقي واسين موجب اها مبينا ناانصافي علائقي جي چونڊيل نمائندن جي آشيرواد سان ٿي رهي آهي، جنهن سبب مقامي ٽرانسپورٽرن ۽ ڳوٺاڻن ۾ سخت تاءُ پکڙجي ويو آهي۔ متاثر ڌرين سليم سالار، رزاق دالار ۽ ٻين خبردار ڪيو آهي ته جلد احتجاج جو سڏ ڏنو ويندو ۽ مبينا ڪرپشن جو “اڇو چٺو” منظرِ عام تي آندو ويندو۔ڌاٻيجي، گھگھر، جوريجي، ڊانڊو، آبدار، ڪوٽيرڙو ۽ ڀرپاسي وارن علائقن جي گاڏين جي مالڪن کي اپيل ڪئي وئي آهي ته پنهنجي گاڏين جا تفصيل گڏ ڪن ته جيئن لوڪل گاڏين جي مڪمل لسٽ تيار ڪري علائقي جي ايم اين اي سردار ڄام عبدالڪريم حوالي ڪئي وڃي۔