لاڑکانہ کے حیدری تھانے کی حدود سے پیٹرول پمپ منیجر لطف علی مگسی تین روز سے لاپتہ

لاڑکانہ کے حیدری تھانے کی حدود سے پیٹرول پمپ منیجر لطف علی مگسی تین روز سے پراسرار طور پر لاپتہ ہیں۔ جس کی وجہ سے اس کے ورثاء شدید پریشانی کا شکار ہیں۔ ان کے ورثاء کا کہنا ہے کہ لاڑکانہ کے حیدری تھانے کی حدود سے لطف علی مگسی نماز جمعہ کی ادائیگی کے بعد پراسرار طور پر لاپتہ ہو گئے۔ آرام باغ سے اس کا موبائل فون اور گاڑی ملی ہے، تھانے میں رپورٹ بھی درج کرادی گئی ہے، تاہم پولیس کا کہنا ہے کہ اس کی تلاش کی کوششیں جاری ہیں۔