قاضي احمد لڳ اڻڄاتل هٿياربندن جي فائرنگ، 6 ٻارن جو پيءُ قتل، جوابدار فرار
هٿياربند گوليون ھڻي ولي محمد جتوئي واسي 50 سالا سڄڻ جتوئي کي قتل ڪري فرار
قاضي احمد(رپورٽر) قاضي احمد لڳ ڳوٺ ولي محمد جتوئي واسي ڇھن ٻارن جو پيءَ 50 سالا سڄڻ جتوئي کي ڏيڙان روڊ تي اڻڄاتل هٿياربند گوليون ھڻي کيس قتل ڪيو ويو مقتول موٽر سائيڪل تي سوار ٿي قاضي احمد شھر کان ڳوٺ وڃي رھيو ته کيس هٿياربندن گوليون ھڻي قتل ڪري فرار ٿي ويا مقتول جي ڀاءُ بھاول خان جتوئي ٻڌايو ته برادري دشمني سبب کيس قتل ڪيو ويو آھي قتل واري واقعي دوران موٽر سائيڪل تي محراب راهو پوليس ٿاڻي جو اهلڪار ميانداد زرداري گڏ ھو جيڪو موٽرسائيڪل سميت فرار ٿي ويو مقتول جو لاش قاضي احمد اسپتال منتقل ڪيو ويو پوليس موجب ته برادري دشمني سبب کيس قتل ڪيو ويو آھي وڌيڪ جانچ ڪريون پيا.