غزہ میں خواتین اور بچوں کے قتل عام پر اشنا شاہ کو صدمہ پہنچا

کراچی (ویب ڈیسک) اسرائیل کی جانب سے غزہ پر بدترین بمباری کے بعد شوبز انڈسٹری سے وابستہ افراد کی جانب سے شدید مذمت کی جارہی ہے، اس حوالے سے اشنا شاہ نے بھی اپنے ردعمل کا اظہار کیا ہے۔ اشنا شاہ نے اپنے پیغام میں ’فری فلسطین‘ اور ’فری غزہ‘ کے ہیش ٹیگز بھی استعمال کیے ہیں۔ اشنا شاہ نے کہا کہ اسرائیل کے حامی اور سوشل میڈیا پر جعلی خبریں پوسٹ کرنے والے یہ تاثر دینے کی کوشش کر رہے ہیں کہ حماس اسرائیلی خواتین اور بچوں کو بے دردی سے قتل کر رہی ہے۔ یہ وہ یہودی اور امریکی ہیں جنہیں میں جانتا ہوں۔انہوں نے کہا کہ آپ کی لاعلمی آپ کی پوسٹس سے عیاں ہے۔ اداکارہ نے کہا کہ آپ کی لاعلمی اس بات کا واضح ثبوت ہے کہ آپ سمجھتے ہیں کہ یہودیوں کی زندگی عربوں کی جانوں سے زیادہ اہم ہے۔ اگر آپ کا میڈیا اور کمیونٹی آپ کو گمراہ کر رہی ہے تو یہ آپ پر منحصر ہے کہ آپ خود کو تعلیم دیں اور سچائی کو پرکھیں۔ اداکارہ نے کہا کہ میں آپ کی جو پوسٹس دیکھ رہی ہوں وہ کسی کو بھی شرمندہ کرے گی کیونکہ وہ ناقابل یقین حد تک غلط معلومات پر مبنی ہیں۔ اشنا شاہ کا مزید کہنا تھا کہ آپ میں سے اکثر فنکار ہیں، آپ کو ہمدردی رکھنی چاہیے اور اس صہیونی ذہنیت سے نکل کر انسانیت کی بات کرنی چاہیے۔