عمرڪوٽ ٽيسٽنگ سرورس پاران جنرل يونيورسٽيز ۾ داخلا وٺندڙ شاگردن جي موڪ ٽيسٽ ورتي وئي

عمرڪوٽ(ڊ ر) عمرڪوٽ ٽيسٽنگ سرورس پاران جنرل يونيورسٽين ۾ داخلا وٺندڙ شاگردن جي موڪ ٽيسٽ ورتي وئي۔ گورنمينٽ بوائز ڊگري ڪاليج عمرڪوٽ ۾ منعقد ٿيل سيلف اسسيمينٽ ٽيسٽ ۾ 250 کان مٿي شاگرد ۽ شاگردياڻين شرڪت ڪئي۔ يوٿ آف عمرڪوٽ جي چئيرمين ميوارام پرمار ميڊيا سان مخاطب ٿيندي چيو ته اڄوڪي ستين سيلف اسيسمينٽ ٽيسٽ جنرل يونيورسٽين جي شاگردن کي يونيورسٽي جي انٽري ٽيسٽ ۾ مددگار ثابت ٿيندي,UTS هميشه کان شاگردن کي لاڳاپيل يونيورسٽين بابت اويرنيس سيشن ۽ موڪ ٽيسٽ جو تسلسل جاري رکيو پئي آھي۔ UTS جي فائوڊنگ ميمبر ڀواني شنڪر لاوا ڳالهائيندي چيو ته UTS شاگردن جي موڪ ٽيسٽ سان گڏوگڏ اڀرندڙ نوجوان سوشل ايڪٽيوسٽ کي علمي سرگرمین ۾ پنهنجو پاڻ مڃرائڻ جو موقعو فراهم ڪيو آهي۔ UTS جي CEO هشمت ميگهواڙ ويچار ونڊيندي چيو ته UTS شاگردن جي انتهائي گهٽ فيس تي يونيورسٽي جي پيٽرن تحت ٽيسٽ منعقد ڪرائي رهي پئي آهي۔ ٽيم جي سينئير اڳواڻن دانيش شيخ, سويتا ڪماري, سونيا ڪماري,تلسي مالهي,مذهر کوسو, ڪيلاش ميگهواڙ, سريش ميگهواڙ ۽ ساجد سومرو پڻ خطاب ڪيو۔