سندھ کے سرکاری اسکولوں میں ہندو طلبہ کو سناتن دھرم کا نصاب پڑھانے کے لیے مراسلہ جاری
کراچی (ویب ڈیسک): محکمہ تعلیم سندھ نے صوبے کے سرکاری اسکولوں میں ہندو طلبہ کو سناتن دھرم کا نصاب پڑھانے کے لیے باقاعدہ مراسلہ جاری کر دیا ہے۔
محکمہ تعلیم کی نصاب کی مشیر فوزیہ خان کی جانب سے اس سلسلے میں تمام ڈائریکٹرز اور ڈسٹرکٹ ڈپٹی ایجوکیشن افسران (ڈی ڈی اوز) کو ضروری ہدایات جاری کی گئی ہیں۔
اس فیصلے کے تحت تیسری سے پانچویں جماعت تک کے ہندو طلبہ کو اب سناتن دھرم سے متعلق نصاب پڑھایا جائے گا۔ اس اقدام کا مقصد اقلیتی طلبہ کو ان کے مذہب کے مطابق مذہبی تعلیم فراہم کرنا ہے۔