سجاول پوليس پاران ڪروڙين رپين جي منشيات هٿ ڪرڻ جي دعويٰ

سجاول.(رپورٽ. گلشيرميربحر)سجاول ۾ پوليس جي منشيات خلاف وڏي ڪاروائي گٽڪي ۾ استعمال ٿيندڙ سوپاري ۽ ڪروڙين رپيا ماليت جو سامان هٿ هڪ ڏوهاري گرفتار. تفصيل موجب. سجاول پوليس پاران منشيات خلاف ڪامياب ڪارروائي. سجاول ويجھو لنڪ روڊ صاحباڻي جاگير وٽ اسنيپ چيڪينگ دوران ريتي سان ڀريل 22 ويلر ڊمپر کي روڪي تلاشي ورتي. تلاشي دوران ڊمپر مان گھٽڪي ۾ استعمال ٿيندڙ سوپاري ۽ انڊين سفينه وڏي مقدار ۾ هٿ آئي جنھن جي ماليت چار ڪروڙ اسي لک رپيا ٻڌائي پئي وڃي. پوليس موجب هٿ ايندڙ گھٽڪي جون 944 ٿيلين ۾ 13 هزار 227 ڪلوگرام سوپاري موجود هئي. جنھن کي قبضي ۾ ڪيو ويو آهي. ڪاروائي دوران ڊمپر ڊرائيور دين محمد کي گرفتار ڪري ورتو آهي جڏهن ته ان جو ٻيو ساٿي شينا باجوڙي موقع تان فرار ٿي ويو. جڏهن ته پوليس جو چوڻ آهي ته مفرور ڏوهاري جي ڳولا جاري آهي. جڏهن ته واقعي جو ڪيس داخل ڪري وڌيڪ جانچ شروع ڪري ڇڏي آهي. سجاول پوليس جو چوڻ آهي ته ضلع ۾ منشيات خلاف ڪارروائيون جاري رهنديون