سجاول ۾ ناري کي مبينا قتل ڪرڻ بعد نوجوان آپگھات ڪري ڇڏيو
سجاول (گلشيرميربحر ) سجاول ڀرسان ڳوٺ حاجي متو سومرو ۾ مبينا عشق ۾ ناڪامي سبب افسوسناڪ واقعو پيش آيو، جتي هڪ نوجوان مبينا طور نوجوان ڇوڪرِيءَ کي قتل ڪرڻ بعد پاڻ به خودڪشي ڪري ڇڏي. پوليس موجب 22 ورهين جي عجب ڌيءُ محمد هاشم سومرو کي مبينا طور ڳلو دٻائي قتل ڪيو ويو، جڏهن ته 31 ورهين جي نياز پٽ عثمان سومرو مبينا طور ڦاهو کائي پنهنجي زندگي جو انت آندو.واقعي جي اطلاع ملندي ئي پوليس واقعي واري هنڌ پهچي ٻنهي جا لاش پنهنجي تحويل ۾ وٺي قانوني ڪارروائي لاءِ پوسٽ مارٽم خاطر سول اسپتال سجاول منتقل ڪيا.پوليس جو چوڻ آهي ته شروعاتي جاچ موجب واقعو مبينا عشق ۾ ناڪامي جو نتيجو لڳي ٿو، جڏهن ته اصل حقيقتون معلوم ڪرڻ لاءِ مختلف رخن کان جاچ جاري آهي. پوليس موجب پوسٽ مارٽم رپورٽ ۽ جاچ مڪمل ٿيڻ بعد وڌيڪ قانوني ڪارروائي ڪئي ويندي.