سجاول ۾ مرحوم شاعر سورج سجاولي سرويچ جي 52 هين سالگره تقريب منعقد، ڪيڪ ڪاٽيو ويو

سجاول (رپورٽر) شاعرن اديبن ۽ صحافين پاران مرحوم شاعر سورج سجاولي سرويچ جي 52 هين سالگره ملهائي ڪيڪ ڪٽيو ويو، سالگره جي تقريب سورج سجاولي پريس ڪلب ۾ منعقد ڪئي وئي. تقريب کان اڳ ۾ شاعرن اديبن صحافين ۽ سرويچ خاندان جي فرزندن مرحوم جي مزار تي گلن جي چارد چاڙهي دعا گهري، سالگره جي تقريب کي خطاب ڪندي، شاعر محمد ٻارڻ، شاعر احمد سوز ملاح، شاعر ايازامرشيخ، زبيراحمد جعفراڻي، مشتاق سعيد، شاد رزاق ميمڻ، بشيرسرويچ، نجيب الله سرويچ، اسماعيل سرويچ، ڊاڪٽرعثمان سرويچ ۽ صحافين سيف الله جوڻيجو، ساگرسليم کوسو، ملڪ صديق ملاح، منظور ميمڻ، گلشير ميربحر، پ ٽ الف اڳواڻ عبدالشڪور مير بحر، پ پ پ منارٽي ونگ ضلع سجاول جو صدر ڊاڪٽر هريش ڪمار ۽ ٻين چيو ته سورج سجاولي سرويچ اهڙن ماڻھن مان هو جنهن کي وسارڻ ڏاڍو ڏکيو آهي هو هڪ سٺو شاعر اديب صحافي سياسي سماجي اڳواڻ ۽ هڪ سماجڪ سڌارڪ انسان هو ان ۾ گهڻين ڳڻ آهن جيڪي ڳڻي نٿا سگهجن سائين سورج جي خدمتن کي ڪڏھن به وساري نه سگهنداسين ڇو ته اهڙا مهان انسان صدين ۾ ڪي ڪي ملندا آھن. آخر ۾ سالگره جو ڪيڪ ڪٽيو ويو. ان موقعي تي تقريب ۾ ٽي اي او سجاول فداحسين لغاري، صحافي امتياز ميمڻ، اسماعيل کتري، شبيرسمون، علي نواز ڀرڳڙي، صديق آرائين، ڪاشف جوڻيجو، جاني جوڳي ۽ ٻين شرڪت ڪئي،