بھارت میں مسافر بس پل سے گر گئی، 22 افراد ہلاک

نئی دہلی (ویب ڈیسک) بھارت میں مسافر بس پل سے گر گئی جس کے نتیجے میں 22 افراد ہلاک ہو گئے۔ بھارتی میڈیا رپورٹس کے مطابق واقعہ ریاست مدھیہ پردیش میں پیش آیا جہاں مسافروں سے بھری بس حادثے کا شکار ہوگئی۔ میڈیا رپورٹس کے مطابق بس میں 50 مسافر سوار تھے اور بس مدھیہ سے کھرون کی طرف جارہی تھی تیز رفتاری کے باعث ڈرائیور بس پر قابو نہ رکھ سکا اور پل سے نیچے گر گئی۔ پولیس کے مطابق پل پر ڈرائیور کی جانب سے تیز رفتاری کے باعث بس بے قابو ہوگئی اور پل پر حفاظتی جال توڑتے ہوئے نیچے جاگری جس کے نتیجے میں 22 افراد کے جاں بحق اور 20 کے زخمی ہونے کی تصدیق ہوئی ہے۔ پولیس کے مطابق جہاں حادثہ پیش آیا اس پل کے نیچے سے ندی بہہ رہی ہے تاہم دریا میں پانی نہ ہونے کی وجہ سے یہ مکمل طور پر خشک ہے۔