ابراهيم حيدري ۾ پوليس ڪارروائي، منشيات فروشي ۾ ملوث عورت گرفتار
ڳجهي اطلاع تي ڪارروائي دوران عابده نالي منشيات فروش عورت کي گرفتار ڪري ورتو: پوليس
ملير (رپورٽ: عبدالرشيد مورجھريو) ضلعي ملير پوليس منشيات خلاف ڪامياب ڪارروائي ڪندي ابراهيم حيدري مان هڪ مطلوبه عورت کي گرفتار ڪري ورتو آهي. پوليس موجب خفيه اطلاع تي ڪيل ڪارروائي دوران عورت ملزمه عابده کي حراست ۾ ورتو ويو، جنهن جي قبضي مان آئيس (منشيات) ۽ وڪرو ٿيل رقم برآمد ڪئي وئي آهي. ابتدائي جاچ دوران انڪشاف ٿيو آهي ته گرفتار عورت مختلف ٿاڻن جي حدن ۾ منشيات جي وڪري ۾ ملوث رهي آهي. پوليس اختيارين جو چوڻ آهي ته گرفتار ملزمه جو نالو اڳ ئي مطلوبه ڏوهارين جي فهرست ۾ شامل هو، جڏهن ته ان جي وڌيڪ ڪرمنل رڪارڊ جي جاچ جاري آهي. پوليس موجب ملزمه خلاف قانوني ڪارروائي تحت ڪيس داخل ڪري وڌيڪ جاچ شروع ڪئي وئي آهي. ضلعي ۾ منشيات خلاف ڪار وايون جاري رهنديون ۽ اهڙي غيرقانوني ڌنڌي ۾ ملوث عنصرن خلاف بنا ڪنهن امتياز جي سخت ڪارروائي ڪئي ويندي.